It fell on a day, a bonny summer day,
When the corn was ripe and yellow,
That there fell oot a great dispute
Between Argyle aye and Airlie.
Lady Margaret looked oer yon high castle wall,
And O but she sighed sairly.
She saw Argyle and a his men
Come to plunder the bonny hoose o Airlie.
Come doun, come doun Lady Margaret, he said.
Come doun and kiss me fairly
Or gin the mornings clear daylight
I willna leave a standing stane in Airlie.
Ill no come doun, ye false Argyll,
Nor will I kiss thee fairly.
I wouldnae kiss the false Argyle
Though you wouldna leave a standin stane in Airlie.
For if my gude lord had been at hame,
As hes awa wi Chairlie,
There wouldnae come a Campbell frae Argyle
Dare trod upon the bonny green o Airlie.
For I hae bore him seven bonny sons,
The eighth yin has never seen his daddy
But if I had as mony ower again
They would all be men for Chairlie.
But poor Lady Margaret was forced to come doun
And O but she sighed sairly
For their in front o all his men
She was ravished on the bowlin green o Airlie.
Draw your dirks, draw your dirks, cried the brave Locheil.
Unsheath your sword, cried Chairlie,
Well kindle sic a lowe roond the false Argyle,
And licht it wi a spark oot o Airlie.
I always thought it interesting that the two prettiest girls in my high school (actually I have never seen a prettier girl in my 62 years than one of them) were named Campbell and McDonald and they were best friends.